Láttu Mínu vísa þér veginn
Uglan Mína fræðir börn sem þurfa á heilbrigðisþjónustu að halda um spítalaumhverfið. Gagnvirkir tölvuleikir Mínu efla heilsulæsi barnanna ásamt því að draga úr kvíða þeirra.
Lausnum NúnaTrix er miðlað til barna í gegnum gagnvirka tölvuleiki sem auka hæfni þeirra og hugrekki fyrir heimsóknir til heilbrigðisstofnanna.
NúnaTrix er nýsköpunarfyrirtæki sem sérhæfir sig í gerð kennslutölvuleikja fyrir börn sem þurfa á heilbrigðisþjónustu á að halda.
Okkar tölvuleikir byggja á vísindalegum grunni þar sem heilbrigiðisvísindi, menntavísindi og tölvuleikjafræði sameinast í hönnun og tækni. Á ensku kallast slíkir leikir «serious games» enda hafa þeir önnur og að einhverju leyti alvarlegri markmið en skemmtun eina saman – sem útilokar þó alls ekki að leikirnir geti verið skemmtilegir!
Tölvuleikir NúnaTrix hafa ýmsa eiginleika sem koma að gagni við fræðslu og valdeflingu barna: það er auðvelt fyrir börnin að lifa sig inn í hlutverk og aðstæður og þeim finnst fræðslan skemmtilegri þar sem henni er miðlað í gegnum leik.
Mína og Draumalandið er kennslutölvuleikur fyrir börn sem gangast undir fulla svæfingu. Svæfing getur verið erfið reynsla fyrir börn og undirbúningur getur verið nokkuð takmarkaður – oft er bara um að ræða eitt símtal kvöldið fyrir svæfingu. Leiknum er ætlað að sjá um sjúklingafræðslu fyrir börnin og kynna þau fyrir því sem fram undan er í jákvæðu og skemmtilegu ljósi sem eyðir óvissunni og kvíðanum sem börnin geta fundið til í þessum aðstæðum.
NúnaTrix er nýsköpunarfyrirtæki sem sérhæfir sig í að draga úr kvíða barna og efla heilsulæsi þeirra. Brynja og Katrín, stofnendur fyrirtækisins, ákváðu að sameina krafta sína til að takast á við þann vanda sem kvíði barna, sem þurfa að ganga í gegnum aðgerðir á spítala, skapaði. Þessi kvíði getur orðið kostnaðarsamur fyrir heilbrigðiskerfið, þar sem hann getur leitt til lengri innlagnartíma og aukins meðferðarþarfar.
Með þróun kennsluleikja sem byggja á vísindalegum grunni, sameinum við heilbrigðisvísindi og menntavísindi til að skapa skemmtilega og fræðandi reynslu. Markmið okkar er að bjóða upp á aðferðir sem hjálpa börnum að takast á við ótta sinn og auka skilning þeirra á heilsu, þannig að þau geti orðið sjálfstæðari og betur undirbúin fyrir framtíðina.
Brynja starfar sem sérfræðingur í hjúkrun og dósent við hjúkrunarfræðideild Háskóla Íslands. Hún veitir Miðstöð sjúklingafræðslu forstöðu á Landspítala og skrifaði doktorsverkefni sitt um sjúklinga sem námsmenn og möguleika tölvuleikja í sjúklingafræðslu.
Hvort sem þú hefur áhuga á leikjunum okkar eða ert með hugmynd að samstarfi — þá hafðu samband, Mína vill alltaf heyra frá þér.
